بجٹ
آئے کوئی خریدنے آئے
عافیائوں کی لاٹ رکھی ہے
چند کانسی ہیں مال خانے میں
سرخ گورے قبائلی بچے
کھیلتے ہیں ہماری گلیوں میں
ان کے ہاتھوں کےدام بتلاؤ
ان کی ٹانگیں خرید لو ہم سے
ان کے ماتھوں پہ مار دو گولے
کہ خزانے میں کچھ نہیں باقی
ملک و ملت کی بہتری کے لیے
جو بچا ہے وہ بیچنا ہے ہمیں
اس بجٹ میں تو کچھ نہیں ہو گا
سوکھی غیرت کا ہم نے کیا کرنا
تھوڑے ڈالر ملیں تو بات بنے
تھوڑی غیرت بکے تو کام چلے
عابی مکھنوی
کوئی تبصرے نہیں:
ایک تبصرہ شائع کریں